Markaz Tahaffuz-e-Islam Hind Ke Zere Ehtemam Online Azmat-e-Sahaba (R.A) Conference!

Markaz Tahaffuz-e-Islam Hind Ke Zere Ehtemam Online Azmat-e-Sahaba (R.A) Conference!

Hazrat Maulana Abdul Aleem Sb Farooqi DB Ka Hoga Pehla Khitab!

Bangalore, 4 September (M.T.I.H): Mulk O Baeroon E Mulk Mein Guzishta Chand Dinon Se Baaz Ghustaakh E Sahaba E Kiraam O Sheikhen E Izaam Ki Shaan Mein Ghustakhi Karte Hue Un Par Hamle Kiye Ja Rahe Hein, Jise Musalmaan Kabhi Bardasht Nahin Kar Sakta. Kyunki Sahaba E Kiraam Raziyallahu Anhum Deen Ki Bunyaad Aur Meyaar E Imaan Hein. Unki Shaan Mein Ghustakhi Na-Qabil E Qubool He. Yahood O Nasaraa Ke Tukdon Par Palne Wale Aise Ghustakhon Ki Napaak Sazishon Ko Khatm Karne Aur Unke Napaak Azaa'im Ko Khaak Mein Milane Keliye Markaz Tahaffuz-e-Islam Hind Ne Aaj Se 15 Rozah Online Azmat-e-Sahaba Conference Ka Elaan Kiya Hai. Markaz Tahaffuz-e-Islam Hind Ke Daftar Se Jaari Bayan Ke Mutabiq Baroz Haftah (Saturday) 5 September 2020 Raat 09:30 Baje Se Markaz Tahaffuz-e-Islam Hind Ke Official YouTube Channel Tahaffuz-e-Islam Media Service Par Online Azmat-e-Sahaba Conference Shuru Hoga. Mulk Ke Maroof Akaabir Ulama E Kiraam Is Online Conference Se Khitaab Karenge. Yeh Silsilah Maah E Muharramul Haraam Ke Aakhir Tak In Sha Allah Chalega. Ittela'at Ke Mutabiq Pehla Khitaab In Sha Allah Janasheen E Islaam Ahl E Sunnat Hazrat Maulana Abdul Aleem Sb Farooqi Damat BarakaTuhum Sadar Majlis Tahaffuz-e-Namose Sahaba Hind Wa Naib Sadar Jamiat Ulama-i-Hind Ka Hoga. Markaz Ke Organiser Hafiz Mohammed Hayath Khan Ne Tamaam Ahliyaan E Islam Ko Is Azimush-Shaan Online Conference Mein Shirkat Karne Ki Appeal Ki He. Note: Mandarjah Zel Link Ke Zariye Markaz Ke Channel Ko Subscribe Karein Share Karen Aur Online Azmat-e-Sahaba Conference Mein Shirkat Karein.

Markaz Tahaffuz-e-Islam Official YouTube Channel