🎯 Nabi Kareem (S.A.W) Ki Shaan Main Ghustakhi Qubool Nahi!
🎙️Qaidul Ahrar Moulana Habib Ur Rahman Sani Ludhianvi DB
(President Majlis-e-Ahrar Islam Hind)
__Is Baat Ko Arbabe Hukumat Bakhoobi Jante Hein Ki Shan E Rasool E Karim Sallallahu Alaihi Wasallam (S.A.W) Ko Lekar Musalmanon Ne Kabhi Bhi Koi Samjhota Nahin Kiya Hai, Tareekh Is Baat Ki Gawah Hai Ki Musalman Har Baat Gawarah Kar Sakte Hein Lekin Shan E Rasool E Kareem Sallallahu Alaihi Wasallam (S.A.W) Mein Ghustakhi Bardasht Nahin Kar Sakte. Dunya Bhar Ke Log Paighambar E Islam Sallallahu Alaihi Wasallam (S.A.W) Ka Ehteram Karte Hein Aur Sirf Islam Mukhalif Anasir Hi Sasti Shohrat Hasil Karne Keliye Aesi Napak Harkatein Karte Hein. Namoos E Risalat Sallallahu Alaihi Wasallam (S.A.W) Keliye Desh Bhar Ke Hi Nahin Balki Dunya Bhar Ke Aashiqaan E Rasool Muttahid Hein. Afsos Ki Baat Hai Ki Aaj Kal Gustakh-e-Rasool Ko Siyasi Panah Di Jati Hai. Jabki Koi Bhi Mazhab Apne Manne Walon Ko Kisi Doosre Mazhab Ki Tehqeer Karne Ki Ijazat Nahjn Deta Hai. Shaan-e-Risalat Ma'ab Sallallahu Alaihi Wasallam (S.A.W) Main Naoozubillah Ki Gayi Gustakhi Hargiz Qubool Nahi Ki Jayegi, Pyare Nabi Hazrat Mohammed Sallallahu Alaihi Wasallam (S.A.W) Har Ek Musalman Ko Apni Jaan Se Zayada Azeez Hain. Apne Aaqa Nabi Akram S.A.W Ke Musalmaan Cahe Woh Mard Ho Ya Aurat, Baccha Ho Ya Bodha Har Koyi Qurbani Dene Ke Liye Tayyar Hai__
🎁 Peshkash : Shoba e Tahaffuz-e-Islam Media Service, Markaz Tahaffuz-e-Islam Hind
No comments:
Post a Comment