Bangalore Mein Shan E Rasool E Kareem Sallallahu Alaihi Wasallam (S.A.W) Mein Hui Ghustakhi Hargiz Bardasht Nahin Ki Jayegi!

Bangalore Mein Shan E Rasool E Kareem Sallallahu Alaihi Wasallam (S.A.W) Mein Hui Ghustakhi Hargiz Bardasht Nahin Ki Jayegi!

Hukumat Ne Agar Mulzimon Ke Khilaf Karwayi Nahin Ki Toh Mulk-Geer Ehtijaaj Karenge: Qaidul Ahrar Maulana Habibur Rahman Sani Ludhianvi Sb DB

Ludhiana, 13th August (MTIH) : Karnatak State Ki Rajdhani Bangalore Mein Do Roz Qabl Maqami M.L.A Ke Bhanje Ki Janib Se Paighambar E Islam Hazrat Muhammad Sallallahu Alaihi Wasallam (S.A.W) Ki Shan Mein Ki Gayi Ghustakhi Se Mulk Bhar Ke Musalmanon Mein Ghusse Ki Leher Daurh Gayi Hai. Is Bare Mein Aaj Yahan Majlis-e-Ahrar Islam Hind Ke Sadar Daftar (Head Office) Mein Bulayi Gayi Hungami Meeting Kk Sadarat Karte Hue Sher E Islam Hazrat Maulana Habibur Rahman Sani Ludhianvi Sb Db (Shahi Imam, Punjab) Ne Do-Took Kaha Ki Shan E Risalat Ma'ab Sallallahu Alaihi Wasallam (S.A.W) Mein Na'uzubillah Ki Gayi Ghustakhi Hargiz Bardasht Nahin Ki Jayegi. Unhone Elaan Kiya Ki Agar Hukumaat E Karnataka Ne Mulzimon Ko Jald Giraftaar Nahin Kiya Toh Mulk Bhar Ke Crores Musalman Mulk-Geer Ehtejaaj Karenge. Shahi Imam Punjab Maulana Habibur Rahman Sani Ludhianvi Sb Ne Kaha Ki Arbaab E Hukumat Bakhoobi Jante Hein Ki Shan E Rasool E Karim Sallallahu Alaihi Wasallam (S.A.W) Ko Lekar Musalmanon Ne Kabhi Bhi Koi Samjhota Nahin Kiya Hai, Tareekh Is Baat Ki Gawah Hai Ki Musalman Har Baat Gawarah Kar Sakte Hein Lekin Shan E Rasool E Kareem Sallallahu Alaihi Wasallam (S.A.W) Mein Ghustakhi Bardasht Nahin Kar Sakte. Unhone Kaha Ki Dunya Bhar Ke Log Paighambar E Islam Sallallahu Alaihi Wasallam (S.A.W) Ka Ehteram Karte Hein Aur Sirf Islam Mukhalif Anasir Hi Sasti Shohrat Hasil Karne Keliye Aesi Napak Harkatein Karte Hein. Ek Sawal Ka Jawab Dete Hue Shahi Imam Punjab Maulana Habibur Rahman Sani Ludhianvi Sb Ne Kaha Ki Bangalore Police Ki Taraf Se Muzahireen Par Goli Chala Kar Dohre Me'yaar Ko Apnaya Gaya Hai, Ehtejaaj Karna Awaam Ka Haq Hai Jise Goli Chala Kar Cheenne Ki Koshish Ki Gayi Hai. Shahi Imam Ne Kaha Ki Police Ki Goli Se halaak Hone Wale Teenon Naujawan Shaheed Hein, Unke Ghar Walon Ko Allah Sabr E Jameel Ata Farmaye, Aameen.Shahi Imam Punjab Ne Kaha Ki Namoos E Risalat Sallallahu Alaihi Wasallam (S.A.W) Keliye Desh Bhar Ke Hi Nahin Balki Dunya Bhar Ke Aashiqaan E Rasool Muttahid Hein. Unhone Kaha Ki Afsos Ki Baat Hai Ki Ghustakhi Karne Walon Ko Siyasi Panah Di Gayi Hepai. Jabki Koi Bhi Mazhab Apne Manne Walon Ko Kisi Doosre Mazhab Ki Tehqeer Karne Ki Ijazat Nahjn Deta Hai. Unhone Bataya Ki Namoos e Risalat Sallallahu Alaihi Wasallam (S.A.W) Ke Muta'alliq Jald Hi Ek Meeting Bulayi Jayegi Jisme Aiyendah Tehreek Ka Aghaaz Kiya Jayega.

🎁  Peshkash : Shoba e Tahaffuz-e-Islam Media Service, Markaz Tahaffuz-e-Islam Hind