Akabir Ka Paigham - 16

🎯Hazraat-e-Sahaba (R.A) Ko Munaafiq Kehne Wale Khud Hi Munaafiq Hen!

✍️Hazrat Maulana Abdul Aleem Sb Farooqi DB

_______Qur'an O Hadees Ki Ro Se Yeh Baat Sabit He Ki Allah Ke Nabi Sallallahu Alaihi Wasallam (S.A) Khaatamun- Nabiyyeen Hen, Aapke Baad Koi Nabi Nahin Aayega Aur Aap Alaihissalam (A.S) Masoom Hen, Aur Hazraat E Sahaba E Kiraam Raziyallahu Anhum (R.A) Aap Alaihissalam (A.S) Ki Khatm E Nubuwwat Ki Daleel Hen, Aur Ghaer Masoom Lekin Mahfooz Hen. Allah Ta'la Ne Qur'an E Paak Mein Jagah Jagah Sahaba E Kiraam Raziyallahu Anhum (R.A) Ki Tareef Farmai Aur رضی اللّٰہ عنہ و رضوا عنہ (Raziyallahu Anhum Wa Razoo Anhu) Keh Kar Apni Raza Mandi Ka Izhaar Farmaya, Aur Jannat Ki Basharat Di. Allah Ta'la Qur'an E Paak Ka Muhafiz Hai Lekin Qur'an E Paak Ki Hifazat Ka Zariya Hazraat E Sahaba E Kiraam Raziyallahu Anhum (R.A) Hain, Hazraat E Sahaba E Kiraam Raziyallahu Anhum (R.A) Isha'at E Qur'an O Isha'at E Deen Ki Bunyad Hen, Hazraat E Sahaba E Kiraam Raziyallahu Anhum (R.A) Me'yaar E Imaan Hen, Saari Dunya Talib E Jannat Hai Aur Hazraat E Sahaba E Kiraam Raziyallahu Anhum (R.A) Matloob E Jannat Hen. Koi Sahabi Munafiq Nahin Ho Sakta Aur Jo Munafiq Hai Woh Sahabi Nahin Ho Sakta, Lihaaza Hazraat E Sahaba E Kiraam Raziyallahu Anhum (R.A) Ko Munaafiq Kehne Wale Khud Hi Munaafiq Hen_______

(Iqtibaas Az Bayaan Ba Unwaan: "Online Azmat-e-Sahaba Conference" Zer E Ehtimam: Markaz Tahaffuz-e-Islam Hind, Date: 05 September 2020)

🎁  Peshkash : Shoba e Tahaffuz-e-Islam Media Service, Markaz Tahaffuz-e-Islam Hind