حضور اکرم ؐکی شان اقدس میں گستاخی ہرگز برداشت نہیں کی جائے گی، فرانس اپنی غلط حرکتوں سے باز

 

حضور اکرم ؐکی شان اقدس میں گستاخی ہرگز برداشت نہیں کی جائے گی، فرانس اپنی غلط حرکتوں سے باز آجائیں!

مرکز تحفظ اسلام ہند نے آج سے آن لائن عظمت مصطفیٰؐ کانفرنس منعقد کرنے کا کیا اعلان!

بنگلور، 29/ اکتوبر (ایم ٹی آئی ہچ): اللہ تبارک و تعالیٰ کے بعد مسلمانوں کے نزدیک سب سے زیادہ لائق احترام ہستی فخر کائنات، خلاصۂ موجودات محمد عربی صلی اللہ علیہ و سلم کی ذات اقدس ہے۔ مسلمان کسی بھی اعتبار سے آپ علیہ السلام کی شان میں گستاخی ہرگز ہرگز برداشت نہیں کر سکتا، اور بحیثیت مسلمان ہونے کے برداشت کرنا بھی نہیں چاہیے۔ آئے دن ہم دیکھ رہے ہیں کہ مختلف طریقوں سے مختلف مقامات پر حضور اقدس صلی اللہ علیہ و سلم کی شان میں گستاخیاں کی جارہی ہیں۔ ابھی فی الحال فرانس کی ناہنجار عوام اور صدر کی جانب سے کارٹون کی شکل میں جو گستاخانہ خاکے بنا کر ساری دنیا کے مسلمانوں کے جذبات کو مجروح کیا گیا اور مسلمانوں کو جس رنج و غم میں مبتلا کیا گیا اسے الفاظ میں بیان نہیں کیا جاسکتا۔ مرکز تحفظ اسلام ہند پورے وثوق اور پوری قوت کے ساتھ فرانس میں آپ ؐ کی شان میں ہوئیں گستاخیوں کی مذمت کرتا ہے، اور فرانس کی مصنوعات کا مکمل بائیکاٹ کرنے کی اپیل کرتا ہے۔ اور پوری دنیا کے مسلمانوں کو یہ پیغام دیتا ہے کہ صرف ربیع الاول میں آپ ؐ کی عظمت و فضیلت اور آپکی سیرت طیبہ کو بیان نہ کیا جائے بلکہ پورا سال اور پوری زندگی آپکی سیرت مطہرہ کو بیان کیا جائے، خصوصاً حالیہ واقعات کی وجہ سے عظمت مصطفیٰؐ پر بولنا وقت کی اہم ترین ضرورت ہے۔ اسی کو مدنظر رکھتے ہوئے مرکز تحفظ اسلام ہند نے فی الفور آج 12/ ربیع الاول 1442ھ بتاریخ 30/ اکتوبر 2020ء بروز جمعہ سے عظیم الشان آن لائن عظمت مصطفیٰؐ کانفرنس منعقدکرنے کا اعلان کیا ہے۔ مرکز تحفظ اسلام ہند کے دفتر سے جاری بیان کے مطابق یہ کانفرنس روزانہ رات 9:30 بجے مرکز کے آفیشل یوٹیوب چینل اور فیس بک پیج پر براہ راست لائیو نشر کیا جائے گا۔ اطلاعات کے مطابق کانفرنس سے ملک کے مختلف اکابر علماء کرام کے خطابات ہونگے۔12/ ربیع الاول کو فقیہ العصر حضرت مولانا مفتی محمد شعیب اللہ خان مفتاحی مدظلہ کا خطاب ہوگا۔ مرکز تحفظ اسلام ہند کے اراکین نے امت مسلمہ کو اس عظیم الشان آن لائن عظمت مصطفیٰؐ کانفرنس میں شرکت کرنے کی پرزور اپیل کی ہے۔نوٹ: مندرجہ ذیل لنک کے ذریعے مرکز کے یوٹیوب چینل کو سبسکرائب کرلیں اور کانفرنس میں شرکت کریں:

https://www.youtube.com/tahaffuzeislammediaservice

رسول اللہؐ کی تعلیمات اور سیرت کو عام کرنے کیلئے آل انڈیا مسلم پرسنل لا بورڈ کی سوشل میڈیا ڈیسک نے کیا ٹیوٹر ٹرینڈ کا اعلان!

 

رسول اللہؐ کی تعلیمات اور سیرت کو عام کرنے کیلئے آل انڈیا مسلم پرسنل لا بورڈ کی سوشل میڈیا ڈیسک نے کیا ٹیوٹر ٹرینڈ کا اعلان!

عاشقان رسول ؐ سے اس مہم میں حصہ لینے کی مولانا عمرین محفوظ رحمانی نے کی اپیل!

نئی دہلی، 28 /اکتوبر (پریس ریلیز): ناموس رسالت ؐکی حفاظت ہمارا دینی اور ایمانی فریضہ ہے، حضور اکرمؐ ہمیں اپنی اولاد، والدین اور اپنی جانوں سے زیادہ عزیز اور محبوب ہیں۔ ان کی شان اقدس میں کسی بھی طرح کی گستاخی ناقابل برداشت ہے۔ ان خیالات کا اظہار آل انڈیا مسلم پرسنل لا بورڈ کے سکریٹری اور بورڈ کی سوشل میڈیا ڈسک کے کنوینر حضرت مولانا عمرین محفوظ رحمانی مدظلہ نے کیا۔ مولانا نے فرمایا کہ آئے دن رسول اللہؐ کی شان میں گستاخی کے واقعات سامنے آرہے ہیں۔ چاہے وہ گستاخیاں کارٹون کے ذریعہ ہوں جیسے فرانس کے بدنام زمانہ میگزین چارلی ہیبدو نے سن 2006ء اور 2013ء میں رسول اللہؐ کے بارے میں کارٹون شائع کیا تھا۔ یا پھر کبھی نازیبا بیانات کی شکل میں۔ جیسے ابھی حال ہی میں فرانس کے صدر میکرون نے اسلام اور مسلمانوں کے خلاف دل آزار بیان دیا، اور فرانس کی مختلف عمارتوں پر گستاخانہ خاکے آویزاں کیے گئے۔ مولانا عمرین محفوظ رحمانی نے فرمایا کہ چونکہ یہ ربیع الاول کا مہینہ چل رہا ہے اس ماہ کی نسبت سرور کائنات ؐکے ساتھ ہے، کیونکہ اسی ماہ ربیع الاول میں آپ ؐکی ولادت بھی ہوئی اور آپ کی وفات بھی۔ اسی نسبت سے رسول اللہؐ کی تعلیمات اور سیرت طیبہ کو عام کرنے کے غرض سے اور دعوتی نقطۂ نظر کو پیش نظر رکھتے ہوئے سوشل میڈیا ڈیسک آل انڈیا مسلم پرسنل لا بورڈ کی طرف سے ٹیوٹر پر ٹرینڈ رکھا جا رہا ہے۔ ان شاء اللہ یہ اقدام گستاخانہ خاکوں اور حرکتوں کا مثبت جواب ہوگا۔ مولانا نے بتایا کہ ٹرینڈ کیلئے 11/ ربیع الاول مطابق 29/ اکتوبر بروز جمعرات شام ٹھیک 07/ بجے کا وقت طے کیا گیا ہے۔ وقت سے پہلے ان شاء اللہ ہیش ٹیگ کا اعلان کیا جائے گا اور بورڈ کے آفیشل ٹیوٹر ہینڈل سے ٹیوٹ کیا جائے گا۔ مولانا عمرین محفوظ رحمانی نے تمام برادران اسلام سے اپیل کی کہ اس ٹرینڈ میں بھرپور حصہ لیکر محبت رسولؐکا ثبوت دیں۔ مندرجہ ذیل لنک کے ذریعے بورڈ کے آفیشیل ٹیوٹر ہینڈل کو فالو کرسکتے:

https://twitter.com/AIMPLB_Official

Bugze Sahaba Dar-Haqiqat Bugze Rasool Hai | Hazrat Moulana Mufti Rashid Azmi Sb DB

VIDEO : https://youtu.be/8PLIPQgTDYU

بغض صحابہؓ درحقیقت بغض رسول ہے | حضرت مولانا مفتی محمد راشد اعظمی صاحب مدظلہ (استاذ حدیث دارالعلوم دیوبند)

Bugze Sahaba Dar-Haqiqat Bugze Rasool Hai | Hazrat Moulana Mufti Rashid Azmi Sb DB (Ustaz-e-Hadees Darul Uloom Deoband)

बुग्ज़े सहाबा दर हकीकत बुग्ज़े रसूल है | हज़रत मौलाना मुफ्ती राशिद आज़मी साहब द.ब (उस्तादे हदीस दारूल उलूम देवबंद)

For Complete Bayan👇:

https://youtu.be/CfnMHoNohFI

Presented By:

Tahaffuz-e-Islam Media Service

(Bangalore, Karnataka, India)

Exclusive Report On Markaz Tahaffuz-e-Islam Hind's Online Azmat-e-Sahaba Conference!

Exclusive Report On Markaz Tahaffuz-e-Islam Hind's Online Azmat-e-Sahaba Conference!

📆24 Oct 2020 

صحابہ کرامؓ کی گستاخی ہرگز برداشت نہیں، گستاخ صحابہؓ اہل سنت و الجماعت سے خارج ہیں!

 

صحابہ کرامؓ کی گستاخی ہرگز برداشت نہیں، گستاخ صحابہؓ اہل سنت و الجماعت سے خارج ہیں!

علماء کرام کے ولولہ انگیز خطابات سے مرکز تحفظ اسلام ہند کی آن لائن عظمت صحابہؓ کانفرنس اختتام پذیر!

بنگلور، 24/ اکتوبر (ایم ٹی آئی ہچ): حضرات صحابہ کرامؓ امت کیلئے معیار حق، مشعل دین اور منارۂ نور ہیں، اور اس مقدس گرہ کا ہر ہر فرد عادل و ثقہ، جرح و تعدیل کے اصولوں سے ماوراء اور تنقید سے بالاتر ہے، انکی تعظیم و تکریم حب رسولؐ اور ان پر طعن و تشنیع بغض رسولؐ کی دلیل ہے۔ انکے باہمی مشاجرات اور تنازعات سے صرف نظر کرکے دل و دماغ کو انکی عقیدت و محبت سے معمور رکھنا اسی طرح واجب ہے جیسے اللہ تعالیٰ نے ان سے صرف نظر کرکے ان کیلئے جابجا غفران و رضوان کا اعلان فرمایا ہے۔یہی اہل السنۃ و الجماعۃ کا متفقہ نظریہ و عقیدہ، سلف و خلف کا اجماعی تعامل و توارث اور اکابر علماء دیوبند کا مسلک و مشرب ہے۔ جو صحابہ کرامؓ کی تنقیص و تفسیق کا مرتکب ہو، یا ان پر طعن و تشنیع کرے، یا تاریخی روایات کی بنیاد پر انکو ہدف ملامت بنائے۔ وہ اہل السنۃ و الجماعۃ سے خارج، ضال و گمراہ اور لعنتی ہے۔ صحابہ کرامؓ کی شان میں گستاخی ایک بہت بڑا فتنہ ہے، جس کے ذریعے سے دشمنانِ اسلام دین و اسلام پر شک و شبہات پیدا کرنا چاہتے ہیں اور دین و اسلام کو مجروح کرنا چاہتے ہیں۔ ایسے دور میں امت مسلمہ کے عقائد و ایمان کی حفاظت کرنا دفاع صحابہؓ کا فریضہ انجام دینا یہ امت مسلمہ کے ہر ایک فرد کی ذمہ داری ہے۔ اسی کو مدنظر رکھتے ہوئے مرکز تحفظ اسلام ہند نے جب دیکھا کہ ملک و بیرون ملک میں اصحاب رسول کی شان میں گستاخی کرتے ہوئے ان پر حملہ کیا جارہا ہے تو یہود و نصاریٰ کے ٹکڑوں پر پلنے والے ایسے گستاخوں کی ناپاک سازشوں کو ختم کرنے اور ناپاک عزائم کو خاک میں ملانے کیلئے آن لائن عظمت صحابہؓ کانفرنس کا سلسلہ شروع کیا۔ مرکز تحفظ اسلام ہند کی دعوت پر ملک و بیرون ملک کے مختلف اکابر علماء کرام نے عظمت صحابہؓ، دفاع صحابہؓ، گستاخ صحابہؓ کا انجام جیسے مختلف عناوین پر کانفرنس سے پرمغز اور ولولہ انگیز خطاب کیا اور واضح طور پر یہ کہا کہ صحابہ کرامؓ کی شان اقدس میں گستاخی ہرگز ہرگز برداشت نہیں کی جائے گی۔ مرکز تحفظ اسلام ہند کے زیر اہتمام ایک ماہ سے زائد عرصے تک جاری یہ عظیم الشان آن لائن عظمت صحابہؓ کانفرنس سے خطاب کرنے والوں میں مولانا عبد العلیم فاروقی (صدر مجلس تحفظ ناموس صحابہؓ الہند)، مولانا عبد الباری فاروقی (استاذ دارالمبلغین لکھنؤ)، مفتی راشد اعظمی (استاذ حدیث دارالعلوم دیوبند)، مولانا مقصود عمران رشادی (امام و خطیب سٹی مارکیٹ جامع مسجد، بنگلور)، مولانا ابو طالب رحمانی (رکن آل انڈیا مسلم پرسنل لا بورڈ)، مولانا فاروق اعظم حبان قاسمی (مہتمم دارالعلوم محمدیہ، بنگلور)، مولانا عبد الاحد قاسمی (صدر آل انڈیا تحریک تحفظ سنت و مدح صحابہؓ)، مولانا عمرین محفوظ رحمانی (سکریٹری آل انڈیا مسلم پرسنل لا بورڈ)، مولانا شفیق احمد قاسمی (رکن شوریٰ دارالعلوم دیوبند)، مولانا سلمان بجنوری (استاذ حدیث دارالعلوم دیوبند)، مفتی زکریا قاسمی (ڈائریکٹر مجلس تحقیق، بنگلور)، مولانا احمد ومیض ندوی نقشبندی (استاذ حدیث دارالعلوم حیدرآباد)، مفتی راشد گورکھپوری (استاذ جامعہ مظاہر العلوم سہارنپور)، مولانا بلال حسنی ندوی (استاذ حدیث دارالعلوم ندوۃ العلماء لکھنؤ)، مولانا سعید احمد عنایت اللہ مکی (شیخ الحدیث مدرسہ صولتیہ مکۃ المکرمہ)، مفتی شعیب اللہ خان مفتاحی (بانی و مہتمم جامعہ مسیح العلوم، بنگلور)، مولانا رضوان حسامی و کاشفی (ناظم اعلیٰ مرکز تحفظ اسلام ہند)، مولانا سید ازہر مدنی (سکریٹری جمعیۃ علماء یوپی)، مولانا عبد القوی (ناظم ادارہ اشرف العلوم حیدرآباد)، قاری احمد علی فلاحی (بانی و مہتمم مدرسہ فیض سلیمانی، گجرات)، مولانا یحییٰ نعمانی (لکھنؤ)، مفتی ہارون ندوی (ڈائریکٹر وائرل نیوز جلگاؤں)، مفتی افتخار احمد قاسمی (صدر جمعیۃ علماء کرناٹک)، مناظر اسلام مولانا طاہر حسین گیاوی، قاری طیب قاسمی نقشبندی (چیئرمین ختم نبوتؐ کونسل ہانگ کانگ)، مفتی زید احمد مظاہری ندوی (استاذ حدیث دارالعلوم ندوۃ العلماء لکھنؤ)، مفتی ناصر ایوب ندوی بوڑیاوی (خانقاہ بوڑیہ)، مولانا محمد الیاس (امیر مجلس تحفظ ختم نبوتؐ ہانگ کانگ)، مولانا صلاح الدین ایوبی قاسمی (صدر جمعیۃ علماء بنگلور)، شیخ طریقت مولانا طلحہ قاسمی نقشبندی مدظلہم وغیرہ شامل ہیں۔ عظمت صحابہؓ کانفرنس کو مرکز تحفظ اسلام ہند کی سوشل میڈیا ڈسک تحفظ اسلام میڈیا سروس کے آفیشل یوٹیوب چینل و فیس بک پیج پر براہ راست نشر کیا جارہا تھا۔ کانفرنس کو تقریباً 2/ لاکھ سے زائد لوگوں نے سماعت کیا۔ تمام علماء کرام خصوصاً اکابرین نے جہاں گستاخان صحابہؓ کو دلائل کی روشنی میں منھ توڑ جواب دیا وہیں امت مسلمہ کو صحابہؓ کی سیرت کو اپنانے، ان پر کسی بھی طرح کا تبرہ بازی کرنے سے بچنے اور انکی ناموس کی حفاظت کرنے کی تلقین کرتے ہوئے مرکز تحفظ اسلام ہند کی خدمات کو سراہتے ہوئے خوب دعاؤں سے نوازا۔ کانفرنس کا آغاز 05/ ستمبر 2020ء کو جانشین امام اہل سنت مولانا عبد العلیم فاروقی کے خطاب سے ہوا اور07/ اکتوبر 2020ء کو شیخ طریقت مولانا طلحہ قاسمی نقشبندی کے خطاب و پرمغز دعا سے اختتام پذیر ہوا۔ کانفرنس سے خطاب کرنے والے حضرات علماء کرام کا ادارہ مرکز تحفظ اسلام ہند نے شکریہ ادا کیا اور انکی خدمت میں تہنیت نامہ پیش کیا۔