Markaz Tahaffuz-e-Islam Hind

Tuesday, 6 September 2022

Main Apne Saath Ghar Se, Kafan Le Ke Aaya Hoon

میں نفرت پہ محبت کی کرن لے کے آیا ہوں

میں ظلم کے خاتمے کا مشن لے کے آیا ہوں

مجھے مارنے کی فراق میں یہ بیٹھے ہیں

میں ساتھ اپنے گھر سے، کفن لے کے آیا ہوں

✍️ بندہ محمد فرقان عفی عنہ

(ڈائریکٹر مرکز تحفظ اسلام ہند)

Main 𝐍𝐚𝐟𝐫𝐚𝐭 𝐏𝐞 𝐌𝐮𝐡𝐚𝐛𝐛𝐚𝐭 Ki 𝐊𝐢𝐫𝐚𝐧 𝙇𝙚 𝙆𝙚 𝘼𝙖𝙮𝙖 𝙃𝙤𝙤𝙣

Main 𝐙𝐮𝐥𝐦 𝐊𝐞 𝐊𝐡𝐚𝐭𝐢𝐦𝐞 Ka 𝐌𝐢𝐬𝐬𝐢𝐨𝐧 𝙇𝙚 𝙆𝙚 𝘼𝙖𝙮𝙖 𝙃𝙤𝙤𝙣

Mujhe 𝐌𝐚𝐫𝐧𝐞 𝐊𝐢 𝐅𝐢𝐫𝐚𝐚𝐪 Main 𝙔𝙚 𝘽𝙖𝙞𝙩𝙝𝙚 𝙃𝙖𝙞𝙣

Main 𝐀𝐩𝐧𝐞 𝐒𝐚𝐚𝐭𝐡 𝐆𝐡𝐚𝐫 Se, 𝐊𝐚𝐟𝐚𝐧 𝙇𝙚 𝙆𝙚 𝘼𝙖𝙮𝙖 𝙃𝙤𝙤𝙣

✍️ 𝐌𝐨𝐡𝐚𝐦𝐦𝐞𝐝 𝐅𝐮𝐫𝐪𝐚𝐧

(Director Markaz Tahaffuz-e-Islam Hind)

#mdfurqanofficial #AshaareFurqani #اشعار_فرقانی

Friday, 2 September 2022

رام نگر میں موسلا دھار بارش اور سیلاب کی وجہ سے ہزاروں افراد متاثر اور سینکڑوں گھر تباہ!

سیلاب زدہ علاقوں کا جمعیۃ علماء کرناٹک نے کیا معائنہ، متاثرین کی راحت رسانی کیلئے مہم کا آغاز!

بنگلور، یکم؍ ستمبر (پریس ریلیز): شریعت اسلامیہ میں خدمت خلق کو بڑی اہمیت دی گئی ہے، روئے زمین پر بسنے والے ہر جاندار سے ہمدردی کرنا، گاہے بگائے انکا خیال رکھنا اور حتیٰ الامکان انکی مدد کرنا مسلمانوں کا مذہبی اور اخلاقی فریضہ ہے۔ اور دور حاضر میں مسلمانانِ ہند کی سب سے بڑی اور قدیم مذہبی تنظیم جمعیۃ علماء ہند کے ذمہ داران اور کارکنان حقیقی معنوں میں ان اوصاف کا نمونہ ہیں۔ ملک میں جہاں کہیں بھی کوئی پریشانی یا آفت پیش آتی ہے تو وہاں جمعیۃ علماء ہند کے خدام سب سے پہلے نظر آتے ہیں۔ بالخصوص مظلوموں اور بے کسوں کی مدد اور سیلاب و آفات میں اجڑے لوگوں کی بازآبادکاری، بے قصور قیدیوں کی رہائی سمیت دیگر ہر محاذ پر جمعیۃ علماء ہند نے خدمت خلق کی ایسی عظیم تاریخ رقم کی ہے جو آب زر سے لکھنے کے قابل ہے۔ ابھی ریاست کرناٹک کے جنوب میں واقع رام نگر ضلع مسلسل موسلا دھار بارش اور سیلاب کی وجہ سے شدید متاثر ہوا ہے، ہزاروں افراد اس قدرتی آفت کے زد میں آچکے ہیں، لوگوں کا تمام مال و اسباب سیلاب کی نذر ہوچکا ہے، ہزاروں لوگ بے گھر ہوگئے ہیں، سینکڑوں مکانات جزوی یا مکمل تباہ ہو چکے ہیں۔ پڑوسی علاقوں میں واقع شادی محل اور دیگر جگہوں پر لوگ عارضی طور پر پناہ گزیں ہیں۔ جمعیۃ علماء ہند کے قومی صدر امیر الہند حضرت مولانا سید ارشد مدنی صاحب مدظلہ کی ہدایت پر جمعیۃ علماء کرناٹک کے ایک بڑے وفد نے ان سیلاب زدہ علاقوں کا معائنہ کیا اور وہاں پر سیلاب زدگان کی راحت رسانی کے مہم کا آغاز کیا ہے۔ ہنگامی طور پر متاثرہ علاقے کے ایک مقام عاشور خانہ کمیٹی، مین روڈ، نزد ریلوے اسٹیشن، طوف خانہ محلہ، رام نگر میں جمعیۃ علماء کرناٹک نے ایک راحت رسانی کا کیمپ قائم کردیا ہے، جہاں جمعیۃ کے ذمہ داران مفتی عبد الرزاق، اقلیم پاشاہ، مولانا محمد اسماعیل کاشفی، وغیرہ متاثرین کی راحت رسانی کیلئے موجود رہیں گے۔ بارش کی کثرت اور اس کے بعد سیلاب کی تباہی کے جو مناظر اور انسانی زندگی کے جو کربناک حالات ہیں وہ دردمند دل رکھنے والے انسان کے رونگٹے کھڑے کردینے والے ہیں۔ اس قیامت خیز سیلاب کے متاثرین کے ساتھ جمعیۃ علماء کرناٹک برابر کھڑی ہے اور حتیٰ المقدور سیلاب متاثرین کی راحت رسانی کیلئے بلاتفریق مذہب وملت ریلیف کا کام کررہی ہے۔ سیلاب متاثرین کی بحالی کے لیے خاص طور پر ضروریات زندگی کے سامان کی فراہمی کیلئے جمعیۃ علماء کرناٹک نے ہنگامی طور پر برادران اسلام سے امداد کی اپیل جاری کی ہے۔ لہٰذاجو حضرات رام نگر کے سیلاب متاثرین کیلئے امداد کرنا چاہتے ہیں وہ جمعیۃ علماء کرناٹک (مولانا ارشد مدنی) کے ذمہ داران سے رابطہ کرسکتے ہیں۔ قابل ذکر ہیکہ وفد میں جمعیۃ کرناٹک کے صدر مولانا عبد الرحیم رشیدی، جنرل سکریٹری محب اللہ خان امین، جمعیۃ علماء بنگلور کے صدر مولانا محمد صلاح الدین قاسمی، نائب صدرو مولانا آدم قاسمی، مولانا عتیق احمد بیگ، مولانا جنید، حافظ محمد آصف سمیت جمعیۃ علماء کے دیگر ذمہ داران مفتی عبد الرزاق، مولانا ارشاد، مفتی سبیل، حافظ عبد العلیم، محمد فاضل، امتیاز احمد، عطاء اللہ، سید امین، اعجاز سادات، سردار احمد، محمد فرقان، محمد حیات خان وغیرہ خصوصی طور پر شریک تھے، علاقے کا معائنہ کرانے میں مقامی سابق کونسلر محمد عظیم نے جمعیۃ علماء کے وفد کا بھرپور ساتھ دیا۔قابل ذکر ہیکہ اس کار خیر میں دیگر تنظیمیں بھی بڑھ چڑھ کر حصہ لے رہی ہیں۔

#Press_Release #Jamiat #News #RamanagarFlood #Flood #FloodRelief #MTIH #TIMS

Monday, 29 August 2022

حضرات صحابہ کرامؓ معیار حق، امت کے محسن اور مشعل راہ ہیں، انکی شان میں گستاخی کفر و گمراہی ہے!

علماء کرام کے ولولہ انگیز خطابات سے مرکز تحفظ اسلام ہند کا عظیم الشان ”عظمت صحابہؓ کانفرنس“ سے اختتام پذیر!

بنگلور، 29؍ اگست (پریس ریلیز): حضرات صحابہ کرامؓ کی مقدس جماعت کمالات نبوت کی آئینہ دار، اوصاف رسالت کی مظہر اتم، دین اسلام کے ترجمان وعلم بردار، قرآن عظیم کے محافظ وپاسبان، سنت نبوی کے عامل ومبلغ، بلند سیرت وکردار کے حامل وداعی اور امت مسلمہ کے محسن ومعمار ہیں، ان کی قوت ایمانی، جاں نثاری و جاں سپاری، ثابت قدمی و بہادری اور خدا اور رسولؐ سے ان کی محبت بے مثال ہے۔ ان کی سیرت پوری امت مسلمہ کے قابل تقلید، نمونۂ عمل اور نجات کا پیش خیمہ ہے، اس لیے ہمیں چاہیے کہ ہم ان کی اتباع کریں کیونکہ ان کی اتباع ہی امت مسلمہ کو گمراہی و ضلالت سے نجات دلاسکتی ہے۔ مذکورہ خیالات کا اظہار مرکز تحفظ اسلام ہند کے بانی و ڈائریکٹر محمد فرقان نے کیا۔ انہوں نے فرمایا کہ اللہ تعالیٰ تمام صحابہ کرامؓ سے راضی اور وہ سب کے سب اللہ تعالیٰ سے راضی ہیں، دنیا میں اللہ نے ان کے جنتی ہونے کی بشارت قرآن کریم میں ذکر فرما دی ہے۔ انہوں نے فرمایا کہ یہ دین امت کو صحابہ کرامؓ ہی کے ذریعہ ہم تک پہنچا ہے، ہمارے اور پیغمبر صلی اللہ علیہ و سلم کے درمیان صحابہؓ کی ذات ہی واسطہ ہے، اور جب وہی مجروح اور ناقابل اعتماد قرار پائیں گے، تو جو دین اور شریعت ان کے واسطے سے ہم تک پہنچی ہے، وہ کہاں قابل اعتماد رہ سکتی ہے؟ ان نفوس قدسیہ کو مطعون و متہم کرنا درحقیقت دین کی پوری عمارت کو متزلزل اور پوری شریعت کو باطل اور ناقابل اعتبار بنانے کی سعی ناروا ہے، دشمنان اسلام کا یہ وہ وار ہے جس کے ذریعے وہ مسلمانوں کو دین سے کاٹنا چاہتے ہیں۔ محمد فرقان نے فرمایا کہ اسی کے پیش نظر صحابہ کرامؓ کی دفاع کیلئے اور انکی سیرت کو عام کرنے کیلئے مرکز تحفظ اسلام ہند نے امسال بھی عظیم الشان آن لائن ہفت روزہ ”عظمت صحابہؓ کانفرنس“منعقد کرنے کا فیصلہ کیا۔ جس سے حضرت مولانا سید احمد ومیض صاحب ندوی نقشبندی مدظلہ (استاذ حدیث دارالعلوم حیدرآباد)، حضرت مولانا محمد مقصود عمران صاحب رشادی مدظلہ (امام و خطیب جامع مسجد سٹی بنگلور)، حضرت مفتی اسعد قاسم صاحب سنبھلی مدظلہ (مہتمم جامعہ شاہ ولی اللہ، مرادآباد)، حضرت مفتی محمد شفیق احمد صاحب قاسمی مدظلہ (رکن شوریٰ دارالعلوم دیوبند)، حضرت مفتی سبیل احمد صاحب قاسمی مدظلہ (رکن شوریٰ مظاہر العلوم سہارنپور و صدر جمعیۃ علماء تمل ناڈو)، حضرت مولانا سید بلال حسنی صاحب ندوی مدظلہ (ناظر عام دارالعلوم ندوۃ العلماء لکھنؤ) نے ولولہ انگیز خطاب فرمایا۔ اس عظیم الشان ”عظمت صحابہؓ کانفرنس“ کی اختتامی نشست حضرت مولانا مفتی افتخار احمد صاحب قاسمی مدظلہ (سرپرست مرکز تحفظ اسلام ہند و صدر جمعیۃ علماء کرناٹک) کی زیر صدارت منعقد ہوئی، جس میں حضرت مولانا محمد عمرین محفوظ رحمانی صاحب مدظلہ (سرپرست مرکز تحفظ اسلام ہند و سکریٹری آل انڈیا مسلم پرسنل لا بورڈ) کا کلیدی خطاب ہوا۔ یہ کانفرنس مرکز تحفظ اسلام ہند کے آفیشیل یوٹیوب چینل اور فیس بک پیج تحفظ اسلام میڈیا سروس پر براہ راست نشر کیا جا رہا تھا، جسے سننے والوں کی تعداد ہزاروں میں تھی۔ کانفرنس سے خطاب کرتے ہوئے تمام اکابر علماء کرام نے فرمایا کہ حضرات صحابہ کرامؓ معیار حق اور دین کی بنیاد ہیں، جو اسلام کے عالمگیر اور آفاقی پیغام کے داعی اور علمبردار تھے۔وہ امت کے محسن ہیں جنہوں نے دین و اسلام کی بقا اور اشاعت کیلئے سب کچھ قربان کردیا۔ صحابہ کرامؓ کی عظمت و شان بڑی بلند وبالا ہے۔ ان کو برا بھلا کہنا، ان کی عیب جوئی اور انکی تنقیص وتحقیر کرنا حرام و ناجائز اور غیر مشروع، اور اسلام وایمان کے تقاضہ کے بالکل خلاف ہے۔ دین اسلام سے وابستگی کا دعوی کرنے والے کسی بھی فرد کا یہ کام ہرگز نہیں ہوسکتا کہ وہ ان مقدس شخصیات میں سے کسی بھی فرد کو طعن و تشنیع اور نقد و تنقید کا نشانہ بنائے۔ ان پر رکیک الزامات لگائے، ان کے خلاف بہتان تراشی کرے۔ بلاشبہ اسلام کے ان جانثاروں کوہدف ملامت وہی بدبخت بنا سکتا ہے، جو عقل و فہم اور شرافت و دیانت سے مکمل عاری ہو، جس کے دل مین نفاق ہو، اور جس کا قلب نور ایمان سے خالی ہو، جسے اسلام کی عظمت و سربلندی اور دین محمدیؐ کی ترقی اور ترویج واشاعت ایک آنکھ نہ بھاتی ہو۔ اکابرین نے فرمایا کہ جو لوگ شعوری یا غیر شعوری طور پر اصحاب رسولؐ کی شان میں گستاخی کا شکار ہوجاتے ہیں، ان کے دلوں میں ایمان و یقین کی بنیادیں کمزور پڑجاتی ہیں۔ انہوں نے واضح الفاظ میں فرمایا کہ جو شخص صحابہ کرامؓ کو مطعون کرے، ان پر سبّ و شتم اور ان کو برا بھلا کہے، تو وہ ملحد وزندیق اور اسلام کو خیرباد کہنے والا ہے۔ لہٰذا ہمیں صحابہ ؓپر طعن و تشنیع کرنے سے بچنا چاہیے اور انکی سیرت کو اپنانا چاہیے، انہیں کی سیرت کو اپنانے سے ہم دونوں جہاں میں کامیاب ہوسکتے ہیں۔قابل ذکر ہیکہ اس موقع پر تمام اکابر علماء کرام نے مرکز تحفظ اسلام ہند کی خدمات کو سراہتے ہوئے خوب دعاؤں سے نوازا اور ”عظمت صحابہؓ کانفرنس“ کے شاندار انعقاد پر مبارکبادی پیش کی۔اختتام سے قبل مرکز تحفظ اسلام ہند کے بانی و ڈائریکٹر محمد فرقان نے تمام اکابر علماء کرام، سامعین عظام اور اراکین مرکز کا شکریہ ادا کیا۔ اور سرپرست مرکز حضرت مولانا مفتی افتخار احمد قاسمی صاحب کی دعا سے یہ عظیم الشان ہفت روزہ ”عظمت صحابہؓ کانفرنس“ اختتام پذیر ہوا۔

#Press_Release #News #AzmateSahaba #Sahaba #MTIH #TIMS

مرکز تحفظ اسلام ہند بی جے پی ایم ایل اے راجہ سنگھ کی جانب سے رسول اللہﷺ کے خلاف توہین آمیز تبصرہ کی سخت مذمت کرتی ہے

مرکز تحفظ اسلام ہند بی جے پی ایم ایل اے راجہ سنگھ کی جانب سے رسول اللہﷺ کے خلاف توہین آمیز تبصرہ کی سخت مذمت کرتی ہے اور اسکے خلاف سخت کارروائی کا مطالبہ کرتی ہے۔ ایسے نفرت پھیلانے والے کو اس کی گرفتاری کے فوراً بعد رہا کرنا ظاہر کرتا ہے کہ ہندوستان کا دائرہ اختیار خطرے میں ہے!*

https://twitter.com/tahaffuze_islam/status/1562149219804127237?t=_CFIPHZFf2JHrjGEo3bKxQ&s=19

#ProphetMuhammad #ArrestRajaSingh #RajaSingh #RajaSinghArrested