Madaris-e-Islamia Nishane Per Kyoon?

 { Akabir Ka Paigham - 20 } 

🎯 Madaris-e-Islamia Nishane Per Kyoon?

✍️ Hazrat Moulana Mufti Abul Qasim Nomani Saheb DB

(Mohtamim & Sheikul Hadees Darul Uloom Deoband)

____Saal 2014 Men Jis Makhsoos Fikar Ka Hamil Tabqa Mulk Main Bar Sare Iqtidaar Aaya Tha Is Ke Manfi Azaim To Pehle Bhi Raaz Nahi The; Lekin Ab Apne In Azayim Ki Takmeel Ya Mansuboon Main Rang Bharne Ki Us Tabqe Ki Khawaish Qadam Qadam Par Jhalak Rahi Hai Aur Ye Batane Ki Zaroorat Nahi Hai Ke Woh Tabqa Apne Raaste Ki Sab Se Badi Rukawat, Islami Madaris Ko Samajhta Hai, Jo Dar Haqiqat Is Mulk Ke Secular Kirdar Ki Taqat Wa Alamat Hain Aur Mulk Ke Saath Musalmanoo Ki Be'dag Wafadari Main Bunyaadi Kirdar Ada Karte Hain, Lekin Chun'Ke Is Kirdaar Ke Saath Saath Madaris-e-Islamia, Musalmanon Ke Deen O Imaan Ke Tahaffuz Aur Islam Se Unki Wabastagi Ke Bhi Zamin Hain, Is Liye Firqa Parast Taqatoon Ko Wo Ek Aankh Nahin Ba'haate Aur Wo Bhi Aalami Taqatoon Ki Le Main Apni Le Mila Kar Madaris Ke Khilaaf Manfi Propaganda Aur Muhim Chalane Main Puri Shiddat Ke Saath Sar Garam Hain Aur Maujooda Waqt Main Chun'Ke Is Zehen Ko Iqtidaar Ki Taqat Hasil Hai Isliye Madaris Par Arsaye Hayaat Tang Karne Ki Khoshisoon Main Tezi Agai Hai. In Halaat Main Zaroori Hai Ke Madaris-e-Islamia, Gehrayi Se Halaat Ka Jaizah Le Kar Apna Lahiye Amal Murattab Karain Aur Apne Tahaffuz O Islah Ke Liye Kuch Inqilabi Qadam Uthayain. Inqilabi Qadam Se Muraad Madaris Ke Andar Kuch Nayi Chezain Paida Karna Nahi Hai; Balke Shayad Is Waqt Ka Sab Se Bada Inqilabi Qadam Ye Hoga Ke Madaris-e-Islamia, Maazi Se Ziyada, Apne Akabir Ke Nahej Aur Tariqa-e-Kaar Par Kaar Band Ho Jayain.

(12 March 2018 Ko Darul Uloom Deoband Main Munaqqid Rabta Madaris-e-Islamia Darul Uloom Doband Ke Ijlaas Se Sadarati Khitaab)

🎁Peshkash : Shoba e Tahaffuz-e-Islam Media Service, Markaz Tahaffuz-e-Islam Hind

(Markaz Tahaffuz-e-Islam Hind Ke Official WhatsApp Group Se Judne Ke liye Is Par Click Karen👇🏻)

https://chat.whatsapp.com/FPLiE3pajoI0VH9sj0r9aN

Ya Is Per Message Karain👇🏻

https://wa.me/917019554109

📲+91 70195 54109

 #AkabirKaPaigham #Madrasa #ArabicCollege #AbulQasimNomani #DarulUloom #DarulUloomDeoband #Deoband #MTIH #TIMS